广告词
广告究竟可唔可以起到应有嘅宣传效果，要考虑到天时地利人和嘅因素，甚至有时 候，只广告红咗，但唔一定红得到佢sell嘅产品。
由细到大，睇TVB嘅时间仲多过睇书，梗会有好多经典嘅广告会令我哋过目不忘， 到而家都仲印象深刻。大个咗之后，喺出面读书，睇电视嘅时间少咗，难得可以坐喺屋 企睇电视嘅时候，嗰啲地方台又好无耻噉cut嗮TVB同埋ATV嘅广告时段嚟播自己啲嘢， 所以而家我哋接触香港电视广告嘅机会已经越来越少喇。上次我难得可以喺澳门睇唔cut 广告嘅TVB嗰阵先发觉，而家啲广告我哋已经唔识嘞，真係out嗮。
不过，我哋嘅脑海入边肯定仲有好多位，专登留番俾呢啲陪住我哋成长嘅广告。慢 慢回味呢啲广告嘅时候，好多回忆会好似潮水噉涌出嚟。
我好辛苦噉根据网上嘅资料同埋自己嘅记忆，整理咗75段经典广告词出嚟。唔可以 话係最完整，但至少每一个广告我都认真考证过，尽力纠正嗮错别字同埋记错记漏嘅部 分，所以起码都係收集得最最最认真嘎嘞！希望我嘅小小努力，可以帮大家记番起好多 有趣嘅往事啦！
01.宣传易，23443699，零速传播--宣传易片头（真係唔係讲笑，呢段嘢实在太经典了 ……）
02.不在乎天长地久，只在乎曾经拥有--铁达时
03.乜咁啱嘅？边度都有阳光--阳光柠檬茶
04.如果太多牛奶味，朱古力味冇定企，等到朱古力味返番嚟，牛奶味又唔争气，（维 他朱古力奶有牛奶味又有朱古力味）啱味，啱嗮你！--维他朱古力奶
05.张德培：\"头皮？No way！\" --飘柔（认识张德培，完全係因为呢个广告）
06.唔该借歪，好肚疼啊！速治灵，治疗急性肚泻，功效显著。速治灵，止屙速速灵！- -速治灵（阿灿嘅经典广告）
07.地球叔叔病咗喇，佢会唔会好番呢？保护环境，救救地球！--公益广告
08.唔好饮啊，有菌嘎！活性乳酸菌吖嘛，有益嘎！--益力多
你今日饮咗未啊？--益力多（呢两句唔使我多讲啦，经典中嘅经典）
09.\"唔好意思，香港脚发作。\"\"哼，用爱肤坚啦！\"爱肤坚皮肤喷射剂，对香港脚确有 功效。--爱肤坚
10.月黑风高杀虫夜，黑旋风忍者为民除害，唔使用剑嘎，用黑旋风就得嘞--黑旋风够 嗮威，黑旋风的确好使！--黑旋风（爱肤坚之后就会出黑旋风，时至今日，TVB几乎都仲 係按噉嘅顺序嚟播呢两个广告！真係不愧为最长命嘅经典）
11.荣华月饼，零舍不同--荣华月饼
12.八珍甜醋分外香--八珍甜醋
13.吃饭啦！（几种方言各讲一次）煮饭煮得够甘香，开饭又使乜四围唱。饭要甘香， 米要金香--金香牌泰国丝苗（每次谂起呢个广告都想笑）
14.咳吖？痰多吖？饮佩夫人啦！！--佩夫人
15.曾江：\"你又烦？ 搽咗啲咩啊？黄黚黚咁嘅。学我啦，梳D美源发彩。逐渐变黑又得 ，立即变黑嗮亦得。得咗。 美源发彩，冇得弹。\" --美源发彩（我谂只要睇过电视嘅广 东人都会睇过呢个广告）
16.食卡乐B薯片，千祈唔好问几点--卡乐B薯片
17.旅游稳关键，得戚舒适招绩超级超值！关键旅游，至啱你感受！--关键旅游
18.认住呢只鹰，真材实料有保证！--鹰牌花旗参茶
19.失眠，心烦，多梦，女人更年要静心--静心口服液
20.Kinder出奇蛋，一次过满足你三个愿望！--Kinder出奇蛋 （细个嗰阵真係好中意食 嘎，成日要阿妈买，就係未咗入边嗰嚿玩具仔，不过费列罗啲朱古力不嬲都係我的最爱 ）
21.嗱，唔好搞烂啲嘢啊，唔好踢！唉，就噉烧焦，又係烧粟米甘桥？一早知你係宿一 烧！--粟一烧
晒太阳咁他调吖嗱，小心烧焦喔！又係烧粟米甘桥？一早知你係宿一烧！--粟一烧 （阿葛把声嘅代表作）
22.屈臣士蒸馏水，27层净化，滴滴清纯，一饮就知--屈臣氏蒸馏水
23.碧桂园，给你一个五星级的家--碧桂园
24.钻石恒久远，一颗永流传--Debiers
25.日本肝油丸，KAWAII呢！--日本肝油丸（KAWAII呢个词就係喺呢个广告学番嚟嘅）
26.每日0赵白箭，KEEP FIT你块面--白箭香口胶 27.\"阿仔，係时候教你一啲做人嘅道理喇！\"--绿箭香口胶
28.海外雇佣中心，我细细个就听过呢个名喇，经佢哋挑选过嘅女佣超过八万（十万） 人，睇下啲奖项。想揾个好嘅女佣，嚟间有名气啲嘅，海外雇佣中心，冇介绍错嘎！-- 海外雇佣中心（我真係细细个就听呢个名喇！呢个广告仲改过版嘎，由八万改成十万， 足以证明佢存在咗几耐）
29.咳啊？啖多啊？飲支潘高寿川贝枇杷露啦！有潘高寿川贝枇杷露就有咳都唔使怕喇 ！--潘高寿川貝枇杷露
30.呢个係万宝路嘅世界。--万宝路
31.金利来，男人嘅世界！--金利来
32.认住金宝钟，清洁好轻松--金宝绿水
33.我哋嘅目标係，无蛀牙！--高露洁
34.有肚疼，吃喇叭正露丸係权威，肠胃拽，食几粒即刻消滞，我试过，佢使我肠胃舒 畅，喇叭一响，dododododo，精神嗮！--喇叭牌正露丸（劲搞笑改编：有肚疼，吃喇叭 正露丸係傻仔，唔怕弊，食几粒即刻穿胃，我试过，佢使我肠胃穿嗮，喇叭一响，dodod ododo，死嗮！）
35.好高兴为大家介绍Sunraysia饮品公司董事柏莎先生。妈，你知唔知Sunraysia点样 拣红梅嘎？哦，红梅测试吖嘛。喺好耐好耐以前，有个独脚嘅农夫，将一桶桶嘅红梅倒 落楼梯，烂咗果啲会压扁嗮，最靓嗰啲会行到谷仓嗰度。Sunraysia红梅汁咁好味，唔好 俾啲小朋友见到啊。妈，太迟啦！红梅婆婆呢？--Sunraysia红梅汁
36.1234567，多劳多得。--胃仙U
37.刘德华：\"今时今日，甘嘅服务态度係唔够嘎！\"--香港旅游发展局（我一直认为， 有啲咁有质素嘅公益广告係香港旅游发展嘅一个非常重要嘅原因）
38.周润发：\"生命无Take 2，请小心演绎！\" --公益广告
39.打波先嚟落雨，唔通连个天，都唔中意我啊？我哋听日再打过啦，听日一定会好天 嘅！你点知今日会好天嘎？唔知嘎，希望在明天吖嘛。生命满希望，前路由我创。--公 益广告（就算唔记得个广告，都唔会唔记得句广告词）
40.金龟唛，万里望花生，够甘香，卜卜脆，任何场合都要佢；金龟唛，万里望花生，V ery good，卜卜脆，试一包包你中意佢--万里望花生
41.雨绵绵，少穿衣，快食保济丸！肚痛夜，啰啰挛，快吃保济丸！去旅行，搭车又搭 船（好晕啊），快吃保济丸！--保济丸（细个成日食……）
42.开心时刻Pizza Hut--Pizza Hut
43.大家乐，为你做足一百分--大家乐
44.McDonald\'s，秒秒钟欢聚欢笑--麦当劳
45.Yummy Yummy橡皮糖，食多啲，食多啲，食多啲啦！--Yummy Yummy橡皮糖（林海峰 把声嘅代表作）
46.要赢人，首先要赢自己--和记电信
黎明：\"喂，阿May啊？\"--和记电信（自从呢个广告出咗街之后，几乎叫亲Leon嘅我 哋都觉得佢个女朋友应该叫阿May先啱）
47.慧园堂养阴丸，好似太阳咁温暖，太阳出来了--慧园堂养阴丸
48.永安旅游，一生服务你--永安旅游
49.BB肚屙，呕奶消化不良，感冒伤风，夜睡不宁，神经紧张，噉就快要食通屋、通屋、通屋奇应丸。--通屋奇应丸
50.旁白：点解要学恒宇仁龙拳啊？
男子：醒啲咯！
旁白：点解要学恒宇仁龙拳啊？
女子：Keep fit！自卫！
旁白：点解要学恒宇仁龙拳啊？
众人齐声大叫：开心！--恒宇仁龙拳（呢个广告谂起都笑爆肚）
51.CTI，杀价！杀到去英美澳加，美国Canada三毫八，澳洲英国Thirty-eight cents！ Go，Go，Let\'s go！CTI价更low！无底，杀价！--IDD（蛇马Lu，杀Ga！）
52.住十五楼养嘅牛牛--雀巢奶粉（我一直到高中先明白呢句广告词係咩意思）
53.当天喜欢的衣裳，现在已都穿不上，当天最喜爱的宝贝，现已大个不爱了。天天长 大，我天天高，啦啦啦啦啦，大个仔係我！--纸尿片裤
54.\"等我变身先\"\"我觉得呢个人相当有可疑\"\"转身射个三分波，哎呀！\"\"糖呢两茶匙， 仲有啲橙皮添\"。电视节目有好多种，但唔係个个节目都啱小朋友收睇--广播事务管理局 （肯定人人都睇过，未睇过嘅人肯定未睇过TVB）
55.河河Jek，介介Jek，Wah Jek Lu唔Jek，唔得，介介都要Jek--四洲鱼蛋（我都而家 都唔知呢啲係咩话嚟嘅，潮州话？） 56.初次嚟到呢个地方，见到嘅，係一张张呆滞嘅面孔，佢哋嘅眼神，根本唔存在说话 ，究竟，係忍受定系接受呢？ 生命，係咪真係咁渺小？原来，大自然嘅呼唤，佢哋早已 经习惯，阳光中嘅生命依然灿烂。世界，其实一定有美好嘅一面。乐信感冒灵。--乐信 感冒灵（我成段都背得出嘎，中学写作文仲用过添！最文艺嘅广告词！）
57.唔想噉样！？可以点样！？--弹性上班时间
58.阿妈话，孤男寡女共处一室，女仔实有损失。好彩我早有准备！噉咪可以静啲温书 咯！饮清凉蒸馏水，係乖仔乖女！--清凉蒸馏水
59.M&Ms，只溶在口不溶在手--M&Ms朱古力
60.慢慢走，勿乱跑，马路如虎口，交通规则要遵守，安全第一，Bubu命长久--公益广 告
61.人头马一开，好事自然来--人头马XO
62.可能係世界上最好嘅啤酒--嘉士伯
63.震腾腾开心心，罗拔臣--罗拔臣Jelly
64.子女好与坏，在乎沟通与关怀--公益广告
65.过时过节，就会有好多颜色来探我。好似红当当嘅Lulu，黄黚黚嘅大细表哥，仲有 青BB嘅Peter仔！不过，我最钟意蓝色来探我，丹麦蓝罐曲奇咯！牛油味香喷喷，仲又松 又脆！--丹麦蓝罐曲奇（又一个係人都识嘅经典）
66.劲量，浑身是劲！--劲量电池
67.弯弯樽装安美露--安美露
68.\"请问你係点食麦缇莎嘎？\"\"梗係将佢摆入口，然后用牙0赵啊0赵啊！\"\"下一位，请 问你係点食麦缇莎嘎？\"\"将佢慢慢噉剥开，然后慢慢放入口里面，慢慢咁吮佢嘅麦心… …\"\"食我啦！食我啦！\"--麦缇莎朱古力
69.杀菌消毒止痕痒，滋润肌肤防爆册，呢啲就係俄罗纳英药用雪花膏嘅多种功效嘞-- 俄罗纳英药用雪花膏（呢个药名好长，所以我印象好深刻）
70.三生牌鹿茸大补酒，係男女强身嘅妙品，妙品！--三生牌鹿茸大補酒（有朱咪咪同 埋仲有一个唔记得名嘅阿叔两个版本）
71.俾人侵犯，要即刻嗌唔好，仲要大声叫救命，要马上去到安全嘅地方，将件事话俾 你信任嘅人听--公益广告 72.Mentos，The Freshmaker！--万乐珠
73.闻一闻零舍提神，索一索舒筋活络--虎标驱风油
74.我中意同阳光玩游戏--曼秀雷敦（林心如啲广东话真係……）
75.出前一丁麻油面，出前一丁麻油面……出前一丁麻牛面吖唔该……冇得卖啊？家家 食出前一丁，有美味有欢笑！麻牛面！--出前一丁（喺上海食唔到出前一丁，一直被我 认为係我喺上海生活嘅最大遗憾！所以每次放假翻屋企我都会搏命食多啲嚟补翻数。呢 个陪住我成长嘅牌子实在太令人怀念了，所以我要将佢嘅广告摆喺压轴嘅位置）
嗯，75个广告一次过讲嗮喇，唔知大家睇过几多呢？欢迎补充！
真係越睇就发现越多係曾经耳熟能详但係又唔记得咗嘅，E＋D广告，有几多有经典对白啊~~~~~
