拍拖协议书
1.我咬你嘅时候你唔准缩，最多应承你我细细力啦。
2.我唔会check你嘅来电显示，但係你最好唔好俾我听到你同不明来歷嘅女人讲电话
3.我有嘢做得唔岩你可以话我，不过唔俾发晒脾气嬲晒咁话我，要慢慢讲道理，有耐心D。
4.我明白每个人都有过去，你会有旧情人嘅相呀信呀礼物呀，但係唔好喺我面前飘扬，有咩烂咗嘅就唔好怪我。
5.我钟意收到你嘅SMS，几肉麻我都顶得顺架。
6.每日起码要打一次电话俾我，因為我会掛心你，最好係喺我临训前打嚟，因為听完你电话我会训得舒服D。
7.你要俾我知你去咗边，我唔係要check你行踪，只係如果新闻话有几名人士失踪，我要知道係唔係你。
8.我哋未必可以一生一世，但希望你同我一齐嘅时候，每一刻都对我认真。
9.行街时因发生争执我掉头就走，你可以唔使即刻氹翻我，但喺要喺我身后跟住行，直到大家心情平复再讲嘢。
10.你心裡面諗D咩，一定要同我讲，因為我好蠢，你唔同我直接讲我唔会知道。
11.我去咗玩而又唔係同你一齐，你叫我玩得开心D嘅话，我会以為你唔爱我唔紧张我唔想要我，你应该要同我讲唔好玩咁夜啊，翻屋企小心D啊之类嘅，最好你嚟接我翻屋企添。
12.如果你要出去玩嘅最好就带埋我去，如果实在唔得嘅话就早D翻屋企俾个电话我，因为我会係屋企担心你，训唔着。
13.我希望你会记得一切嘅大时大节生日同纪念日，我唔会提，亦会扮大方，但唔代表我想你失忆。
14.我唔介意人嘅外貌，但係要乾乾净净。
16.唔准对我讲大话，我最憎人呃我，虽然你话呃我喺唔想我唔开心，但喺俾我知道你呃我，咁样我会更加唔开心。
17.唔准一脚踏两船 (或以上 )。
18.我唔需要你对我许下关于以后嘅某种承诺，我只想你肯定你对我依家嘅感觉，因為以后嘅事无人可以预测到。
19.出街一定要拖实我，因為我係超级路盲，会荡失路。
20.我唔拣饮择食，所以食咩你话事。
21.如果我迟到，都只係因為我想着靚D见你，所以你唔好闹我。
22.我唔係专登骚扰你，我只係想等你知道我几时掛住你嗟。
23.食饭时第一箸夹嘅食物记得最好要係俾我嘅。
24.你要好锡好锡我，因為你唔锡我就无人锡我架啦，当然我都会好锡你架。
25.我唔喺贪心嘅人，唔一定要钻石同珍珠，就算你送易拉环盖俾我都会一样咁开心，最重要喺睇你有冇心。
26.同你D朋友出去食饭，你唔使成日理住我，我唔会埋怨你嘅，不过你要记得我係你身边就得。
27.我唔会问你我靚唔靚 (因為我知道我好靚)，不过你识做嘅都要耐唔耐讚下我靓，最好諗多几样形容词嚟讚我。
28.我钟意人浪漫，耐唔耐諗D浪漫嘅嘢嚟氹下我，都唔会好过分挂。
29.我知道你冇可能每秒鐘都掛住我，但係如果你全日都冇諗起我，我会好惊架。
30.得闲你要陪我行下超市，等我享受一下甜蜜嘅感覚，最多俾你笑下我「师奶仔」啦。
31.如果有一日你郁手打我，我一定会走。
32陪住你出去做嘢嘅时候唔使怕我等，怕我闷，因為我肯定记得带MP3。
33.记得我送俾你嘅嘢要好好保存。
34.Shopping 时可以分道扬鑣，但係你唔好又要企我隔离又要黑口黑面
35.我好乐意同你行你钟意嘅舖头，你唔需要怕我闷，我会自得其乐。
36.虽然我知你唱歌唔喺咁好听，不过就為我练一首，就专门唱俾我听啊
37.唔好批评我嘅好朋友，因為我同佢地共过患难，唔係酒肉朋友。
38.如果你唔开心，你要同我讲，唔好扮无事，因為如果俾我发现我会比你更唔开心
39.如果你需要我嘅时候，随时揾我，唔好俾我以为自己係个闲人。
40.我喊嘅时候，你一定要氹我，因為我只会喺好伤心好伤心嘅时候先喊。
41.你做紧嘢嘅时候，我会自己搵嘢做，你唔需要担心，因為我有时会觉得睇你好过睇大戏。
42.你最好有一首只係属于我嘅电话铃声。
43.如果你冇开口讲，我都為你去改变，代表我真心钟意你，请你珍惜我。
44.我好乐意帮你洗衫煮饭执屋，但係请你唔好当喺「奉旨」。
45.唔好以為我真係好大方，只係我怕你讨厌小气嘅女仔咋。
46.唔好乱咁作出承诺，因為我真係会当真咁记一世架。
47.你需要比我更清楚我嘅电话、相机同电脑嘅操作。
48.当你睇波嘅时候，我可能会问你「咩係12码」等低B问题，你唔好嫌我烦，因為我真係有兴趣知，但又从来冇人教过我。
49.我会希望你将我介绍俾你嘅朋友识。
50.放假时我会间唔中留喺屋企休息，你即管出去玩，虽然我喺痴身但都唔好以為我係贴身膏药，你唔同我出街我就唔出。
51.因為我有一D唔係太开心嘅过去，对人好冇安全感。所以请你用用行动话俾我知你对我係认真嘅，你唔係玩玩下。
52.你先要努力工作，然后尽量抽时间陪我。
53.你唔需要係有钱仔，但係要有上进心，想出人头地。
54.你一定要有自己嘅理想。
55.我唔会成日问你「我今日有咩唔同」，但耐唔耐都会问下，不过你留意我嘅就一定睇得出。
56.你要对自己有信心，我唔会生翼，所以我唔识飞走。
57.我好野蛮任性，我知我都会為你而改，不过需要时间。
58.你要做我嘅人肉地图。
59.我M嘅时候情绪会怪D，所以你要小心D。
60.我发脾气cut你線，你唔使即时打翻电话俾我，但喺要发SMS俾我。
61.如果你发我脾气逼我做D我唔想做嘅嘢，我会觉得好唔开心。
62.你煮饭俾我食，就算只係一碗餐蛋麵，我都会开心过食鹅肝。
63.你諗嘢嘅时候最多我唔出声啦，我只係想好好咁陪住你。
64.虽然我对你嘅恋爱史好有兴趣，不过都过咗去囖，只要你依家最爱嘅人係我就足够啦。
65.因為爱你，我会珍惜自己，要自己身体健康，要自己开开心心，你都係。
66.我有时唔出声你唔使惊，我只係享受紧同你一齐嘅感觉，有时就当无声胜有声。
67.唔好熄电话，万一半夜我要去急症室，我会想你陪我。
68.我好憎人唔信我，怀疑我。
69.如果你爱我，你唔会捨得要我伤心.
70.如果你见我个样冇乜表情,唔係我唔紧张你，而係爱一个人就会变得笨拙，我唔知用咩表情面对你好。
71.我知你唔钟意去行街，我都尽量唔搵你去，不过当我真喺好想好想你陪我去嘅时候，你就陪我去下啦。
72.好多事唔係我懒,扮唔识搵你做，而係我真係唔识。
73.我希望你间唔中都会俾D小惊喜我，係「小惊喜」，唔係「大惊喜」。
74.你讲过，而我又应承过嘅，我一定会做。
75.唔好怪我懒，我只係觉得有人俾我依赖嘅感觉好幸福。
76.唔係我唔想同你去街，我只係怕浪费你嘅老婆本，如果你陪我去公园行下我都好开心架啦，不过你唔好嗌闷涡。
77.唔好习惯出去食饭，虽然我唔识煮，不过為咗你会翻屋企食饭，我会好俾心机去学。
78.你唔开心嘅时候我会静静行开，俾时间空间你冷静，因為我唔多识安慰人，但过后我会想你打翻个电话俾我，因為我关心你。
79.如果我成日管住你你觉得烦嘅话要同我讲，因為我憧憬我以后都可以管住老公，而老公又乐意俾我管。
80.唔好再话怕俾唔到幸福我而企图推开我，因為我最大嘅幸福就係同你一齐。
81.唔使经常同我讲「I love you」，虽然呢句说话听几多次都唔会嫌多，都唔会厌，不过我更希望你用你嘅行动嚟证明呢句话。
