壮语文演讲稿 我可爱的家乡--柳 城
咸 茂 红（柳州市柳城县）
广西柳州地处中国的南部，是一个壮族聚居的好地方，我爱这美丽的壮族家乡，因为这里山清水秀，土地肥沃，人们聪明又能干。
说到柳州就不得不提到柳城。解放前的柳城贫穷落后，人们经常吃不饱穿不暖，生活非常困难。但今天的柳城已变得美丽富饶了，走进壮乡柳城，除凤山镇的网山庙、洛崖山庄的绝壁和景色迷人的龙寨岩洞使人陶醉以外，还有很多具有地方特色的土特产，例如凤山镇的云片糕、伏虎农场的茶叶、东泉镇的果蔗、太平镇的柑子和凉水山林场的蜜橘等，这些土特产不仅能给本地人脸上添光，而且还给我们壮乡人民的生活增添了许多色彩。
每到秋收季节，在柳城的龙头、太平、凤山、沙浦、东泉等这些乡镇，都见有黄灿灿的蜜橘。特别是在凉水山林场，那里随处都有沉甸甸的蜜橘坠满枝头——有些枝条上挂四五个果，有些枝条上挂六七个果，有些果还并排长在两边枝条上，有些果却成串成团地吊在枝头上，而且每个果都很黄、色泽也很好，让人见了口水都要流，真是馋死人了，恨不得摘下来就吃个两三斤才过瘾呢！
这么多的蜜橘往哪销呢？别担心，柳城的蜜橘每年都能卖到外省，如：广东、重庆、上海等地。还销往越南、泰国、菲律宾等东南亚国家。因为柳城的蜜橘果甜、销路好、而且还能卖得好价钱，所以柳城的蜜橘不但能造福广大民众，还香飘省外和国外，柳城的蜜橘就是因此而得名的，柳城县也因此被评为“蜜橘之乡”。
今天的柳城越变越美丽，壮乡人民的日子也越过越红火。总的来说，这些都归功于我们党领导有方和党的政策好啊！
下面我用一首诗来表达我们壮乡人民对党恩的感激之情：
有党来领导
齐心搞四化
人民自当家
做什么都成
城里和山村
面貌日日新
壮家生活好
感谢党恩情
各位领导、兄弟姐妹们，在12月份广西壮族自治区成立50周年到来的前一个月（11月）我们柳城县也迎来了隆重的第三届蜜橘节，你们想吃蜜橘果吗？你们想来“蜜橘之乡”游玩吗？我们柳城壮乡的兄弟姐妹们欢迎您！我们柳州欢迎您！
Gauj Yienjgangj Vahcuengh
Ranzmbanj Dwggyaez Gou –Liujcwngz
◆
Hanz Mouhungz(Yienh Liujcwngz)
Liujcouh Guengjsae dieg youq baihnamz Cungguek, hix dwg gaiq dieg gyaeundei Bouxcuengh comzyouq ndeu.Gou gyaez ranzmbanj Bouxcuengh dwggyaez gou.Aenvih dieg neix bya heu raemx loeg, namh biz vunz naengzganq.Gangj daengz Liujcouh couh mbouj ndaej mbouj daez daengz Liujcwngz,gaijfang gaxgonq Liujcwngz dou hojndoq doeklaeng, vunz ndwenngoenz haemzhoj dangqmaz, gwn mbouj imq, daenj mbouj raeuj.Hoeng seizneix Liujcwngz cix bienq ndaej gyaeundei fouqmiz lo.Byaij haeuj mbanjcuengh Liujcwngz ,cawz aenmiuh Fungsanh、datsang Yazsanh、aencongh Lungzcai gingjsaek gyaeundei sawj vunz simmaez le, lij miz gak cungj gak yiengh huqdoj bonjdieg, lumj “Gaubenq Fungsanh、oijndaem Dunghcenz、mbawcaz Fuzhuj, makgam Daibingz，makdoengj Liengzsuijsanh”, gij huqdoj neixmboujdanh sawj vunz bonjdieg najrongh, caemh hawj Bouxcuengh raeuz ndwenngoenz demgya saekcaij gyaeudnei.
Baez daengz mboengq seizcou, youq Lungzdouz、Daibingz、Fungsanh、Sahbu、Dunghcenz gij dieg lajmbanj Liujcwngz neix, cungj miz makdoengjvan henjrwgrwg, daegbied youq Liengzsuijsanh Linzcangz, gizhaenx dauqcawq ndaej raen makdoengj venj rim nye., nye’nye cungj naekgywggywg, mbangj nye seiq haj aen, mbangj nye roek caet aen, miz mbangj lij baizladlad youq gwnz nye, miz mbangj youh gietgyuggyug duengh roengzdaeuj, baenzbo baenzbyoengh, vanzlij aenaen mak cungj youh henj youh wenj, sawj vunz raen le myaiz yaek doek, ngah dai vunz bae! Nyaenx mbouj ndaej mbaet roengzdaeuj couh sauz de song sam gaen cij gvaqyinx nw!
Baenzlai makdoengj gai bae gyawz ne? Gaej you’heiq! Binaengz gij makdoengj Liujcwngz mboujdanh gai daengz rog sengj--Gvangjdungh、Cungzging、Sanghaij daengj dieg, lij hamq guek gai daengz Yeznanz、Daigoz、Feihlizbinh daengj guekgya Dunghnanzya.Aenvih makdoengj Liujcwngz van, siuloh ndei, lij gai ndaej baenzcienz, ndigah makdoengj mboujdanh ndaej cauhfuk vunzlai ranzmbanj, lij hom daengz rog sengj caeuq rog guek, makdoengj Liujcwngz couh dwg yienghneix ndaej mingz hane!Yienh Liujcwngz lij ndaej aen mingzdaeuz “Aen Yangh
Makdoengj” !
Ngoenzneix Liujcwngz yied bienq yied gyaeu, vunz Bouxcuengh ndwenngoenz hix yied gvaqyied van.cungj daeuj gangj, goenglauz lij dwg gvi dangj lingjdauj miz fap、gij cwngcwz dangj raeuz ndei lai ha!
Lajneix gou dawz hot sei ndeu daeuj biujdad Bouxcuengh raeuz doiq dangj gij cingzngeih naek he:
Miz dangjdaeujlingjdauj,
Caezsimgaujswva.
Yinzminzgagdanggya,
Guhgijmazcungjbaenz
Diegbingz caeuq ndaw bya
Ngoenz beij ngoenz lai ndei
Ndei lo ～ ～
Dieg Bouxcuengh gvaq ndaej ndei
Bouxcuengh caez danq gungcanjdangj
Gak boux lingjdauj、gyoengq beixnuengx, youq 12 nyied Gvangjsih Bouxcuengh Swcigih laebbaenz 50 hopbi yaek daeuj daengz seiz, yienh Liujcwngz dou hix coux daeuj Aen Ciet Makdoengj Gaiq Daihsam, sou siengj gwn makdoengj lwi? Sou siengj daeuj “Aen Yangh Makdoengj ” youz lwi？Dou beixnuengx Bouxcuengh Liujcwngz angqcoux mwngz! Beixnuengx Liujcouh angqcoux mwngz !
