开场：
焯：春风送福，喜气临门 仪：春回大地，福满人间 彬：门门喜气，户户春风 焯：大地春光好，长天晓日红 仪：岁岁皆如意，年年尽平安 彬：江山千古秀，神州万年春 合：祝大家，新年快乐，身体健康！
焯：五丰村嘅各位叔伯婶姨，兄弟姊妹大家新年好，我喺你哋嘅节目
主持人刘仲焯，喺度祝大家，新年发大财
仪：大家好，我喺你哋嘅节目主持人何翠仪，喺度祝大家，年年顺景， 万事胜意
彬：大家好，我喺你哋嘅节目主持人刘炳彬，喺度祝大家，吉祥喜庆， 富贵平安
焯：咦，点解得三位主持嘅？听闻今晚有四位主持架喔。
晴：（出场）大家好，我喺你哋嘅节目主持人刘思晴，喺度祝大家， 招财进宝，年年有余
合：五丰村2018春节联欢晚会，现在开始！
焯：话咁快又一年，今年，已经喺我哋五丰村春节联欢晚会嘅第七届，
春节联欢晚会已经成为咗我哋五丰村嘅品牌，而且今年我哋亦都 取得咗骄人嘅成绩，五丰村被评为广东省文明村！喺呢度先多谢在座各位村民嘅努力同团结。当然喇，好嘅成绩需要有好嘅领导
班子支持，依家有请我哋五丰村嘅领头羊，村长刘炳镜上台致词，大家掌声欢迎！
节目：
1.沙龙健身队-喜庆临门；心仪健身队-新龙船调
焯：炳彬，你记唔记得，我哋五丰村嘅春晚一开始喺点样发起架？ 彬：记得，喺由一班越嚟越后生嘅广场舞姐姐发起家嘛！
焯：无错喇，有请沙龙健身队带嚟嘅广场舞《喜庆临门》。另外请心 仪健身队准备。
焯：炳彬，睇完一场咁喜庆嘅广场舞，你觉得够唔够喉啊？ 彬：我觉得一啲都唔够，我要睇十场！
焯：好，满足你！有请心仪健身队带嚟嘅《新龙船调》。另外请街舞 表演《霹雳小子》准备。
2.街舞-霹雳小子
彬：思晴，听闻你平时都中意跳下舞咁架喔，要唔要今晚SOLO一下？ 晴：好啊（舞蹈动作）。 彬：好似有文有路咁喔~ 晴：不过喺嚟紧呢两位小舞蹈员嘅表演面前，我呢啲湿湿碎喇。 彬：真喺咁厉害？好，咁有请街舞表演《霹雳小子》。另外请范颖捷 做好准备。
3.范颖捷-千千阙歌
焯：喺呢翠仪，之前二汽公司同我哋五丰村嘅表演你有无睇啊？ 仪：肯定有喇，都好多谢二汽公司对五丰村嘅关怀，我仲好记得旧年 五丰村春晚二汽演唱嘅《时间煮雨》，惊艳全场！
焯：喺啊，我都好印象深刻，不过，我收到风，今年嘅五丰村春晚， 二汽公司都有参演节目喔！事不宜迟，我哋请出二汽公司范颖捷带嚟嘅《千千阙歌》，另外请刘昌荣准备。
4.刘昌荣-武术长棍
焯：炳彬，做乜你身形好似越嚟越有福气咁嘅？
彬：唉，你知喇，办公室工，返工唔喺坐就喺食饭，咪越嚟越大只咯， 不过，我唸住减肥架喇。
焯：减肥？你唸住点减先？ 彬：耍~棍！（摇头摆手） 焯：耍~棍？（摇头摆手）
彬：唔错，我依家未学识，就等刘昌荣老先生示范俾你睇睇。 焯：好，咁我哋有请刘昌荣老先生带嚟嘅《武术长棍》。另外请中八 健身队做好准备。
5.中八健身队-浏阳河；晨曦健身队-张灯结彩
仪：炳彬，听闻你啱先话要睇市场广场舞喔？ 彬：唔通真喺有？
仪：无错喇，有请中八健身队带嚟嘅《浏阳河》。另外请晨曦健身队 准备。
焯：睇到我哋嘅广场舞姐姐哥哥都咁精神，咁跳得，真喺想同佢哋一 齐跳啊。 仪：喺啊，我都喺咁唸，不如我哋请佢哋跳多首，我哋继续学习下咯。 焯：好啊，咁有请晨曦健身队带嚟嘅《张灯结彩》，大家掌声鼓励！
6.第一次抽奖
焯：大家见到我手上呢个抽奖箱，都应该知道，有嚟到咗五丰村春晚 最最激动人心嘅抽奖环节喇！你哋摞到抽奖券未啊？记住咗个数字未啊？大声啲话我知，你哋想唔想中奖啊？
仪：睇落各位村民都好踊跃喔，咁等我嚟介绍下奖品先，今年一共有三个抽奖环节，奖品有大桶油，大袋米，仲有十二部高档变速单车，喺咪好期待呢？
彬：奖品真喺前所未有咁丰厚啊，今晚第一次抽奖，我哋会抽出两份油米，同三部单车，依家准备抽奖，抽到嘅奖券会直接贴喺奖品度，读到数字嘅幸运村民，你哋只需要保管好你嘅抽奖券，晚会散场之后有序到舞台领奖就得架喇。
焯：我哋依家有请XXX，XXX上台抽奖，另外请少儿芭蕾独舞《睡美 人》做好准备。
7.少儿芭蕾独舞-睡美人
焯：我哋啱啱睇完咗四场非常精彩嘅广场舞，不过，我哋五丰村嘅小 朋友唔愤气喔~ 彬：唔错，我啱啱仲见到后台有个小朋友喺度咁样练紧舞（垫脚芭蕾 舞状）。
焯：咁我知道喇，有请少儿芭蕾独舞《睡美人》。另外请钟嘉俊、范 颖捷做好准备。 8.朗诵-我骄傲，我是中国人
焯：北国风光，千里冰封，万里雪飘。。。 仪：停停停，仲焯你喺度做咩啊？ 焯：朗诵啊，喺咪朗诵得好好呢？ 仪：同嚟紧嘅节目相比，好似争啲喔~ 焯：真喺？咁就要认真睇睇喇，有请二汽公司钟嘉俊、范颖捷带嚟嘅 朗诵《我骄傲，我是中国人》。另外请戏曲念白-挡马准备。
9.戏曲念白-挡马
仪：炳彬，你知唔知2017年最热嘅音乐节目喺咩啊？
彬：当然知道喇，嘻哈啊嘛，“一人我饮酒醉，醉把佳人成双对” 仪：咁你知唔知，其实我哋戏曲都有类似嘅表演形式架？
彬：哦~我知喇，你讲嘅喺下面呢个节目。有请戏曲念白《挡马》。另 外请五丰少儿啦啦操做好准备。
10.五丰少儿啦啦操
焯：翠仪，睇到前面嘅节目，有无发现依家啲小朋友真喺好犀利呢？ 仪：喺啊，依家啲小朋友真喺多才多艺，我真喺自愧不如。 焯：唔止喺你啊，我都一样，而且下面嘅节目，将会带来更震撼嘅表 演！
仪：咁我哋就用学习嘅心态嚟睇呢个节目喇，掌声有请《五丰少儿啦 啦操》，另外请五丰村委合唱准备。
11.五丰村委-没有共产党就没有新中国
焯：炳彬，我哋开场嘅时候讲过喇，我哋五丰村喺2017年取得咗好 嘅成绩全赖有一套非常好嘅领导班子。你觉得我哋村嘅领导，最主要好喺乜嘢地方呢？
彬：呢个你就问啱人喇，经过我仔细同长时间嘅观察，我觉得我哋村 嘅领导最好嘅地方就在，够，团，结！
焯：听你咁讲又真喺喔，我哋五丰村嘅领导一直带领住我哋嘅村民，
团结一心咁建设好五丰村，先可以获得广东省文明村嘅荣誉，咁依家掌声请出我哋五丰村嘅领导班子上台，送出合唱《没有共产党就没有新中国》。另外请东南健身队准备。
焯：村长请留步。
焯：村长你每年晚会都会贡献一首金曲嘅，今年喺咪都应该唱返首 啊？
12.东南健身队-天籁之爱；五丰健身队-踏歌起舞的中国
彬：啱啱首歌真喺听到耳油都出埋啊。 仪：咁有歌，又点可以无伴舞呢？
彬：有请东南健身队带嚟嘅《天籁之爱》。另外请五丰健身队准备。 焯：炳彬，你啱啱话要睇十场广场舞，依家睇咗五场喇喔，你觉得跳 得好唔好先？
彬：好就肯定好架喇，不过，点解好似争啲嘢咁嘅？
焯：我知道喇，你讲紧嘅喺，争我哋五丰村嘅健身队啱唔啱？ 彬：无错喇，有请五丰健身队带嚟嘅《踏歌起舞的中国》
13.第二次抽奖
焯：无错喇，见到呢个抽奖箱，又到咗我哋抽奖嘅环节，想中奖嘅村 民，可以开始大声呼叫自己嘅数字喇！
仪：今次抽奖一样会抽出两份油米，同三部单车。
彬：颁奖规矩都一样，抽中嘅号码我哋会贴喺你嘅奖品上面，散场嘅 时候请有序排队领奖。
焯：我哋依家有请XXX，XXX上台抽奖。另外请小品《抢家婆》做好 准备。
14.小品-抢家婆
焯：翠仪，你有无睇过我哋上一年嘅西游小品啊？ 仪：有啊，听闻仲去过镇嘅禁毒汇演入面表演添。
焯：喺啊，我哋今年一样有小品喔，小品名叫做《抢家婆》 仪：个名听起身已经好有喜感，咁我哋掌声有请《抢家婆》。另外请 少儿鬼步舞准备。
15.少儿鬼步舞-Seve 仪：炳彬，你知唔知2017年最热嘅舞蹈喺乜嘢啊？
彬：肯定知道喇，用Seve嚟做背景乐跳嘅鬼步舞啊嘛，我都有学过 几下架~（鬼步舞动作）
仪：我好似见到只大猩猩喺度抽筋。。。
彬：未学好未学好，咁就等我哋睇睇专业架喇，有请少儿鬼步舞《Seve》， 另外请东兴健身队做好准备。
16.东兴健身队-好春天；雄丰健身队-中国歌最美
焯：炳彬，有到咗你最钟意嘅广场舞环节喇喔。 彬：是啊，我觉得今晚睇嘅广场舞够我回味一年喇。 焯：咁就唔好俾佢停喇，有请东兴健身队带嚟嘅《好春天》。另外请 雄丰健身队做好准备。
焯：翠仪，今年喺你第一次主持五丰村嘅春晚，睇咗咁多节目，你觉 得我哋呢台晚会点样呢？
仪：我感觉非常好，又喜庆，又有活力，仲有抽奖添，最印象深刻就 喺广场舞喇，见到咁多精神奕奕嘅广场舞姐姐，人都开心啲啊！
焯：我都好有同感，另外我见到场边已经有另外一堆嘅广场舞姐姐做 好准备喇喔，依家有请雄丰健身队带嚟嘅《中国歌最美》，另外请钢琴表演做好准备。
17.钢琴四手联弹Do Re Me+钢琴表演
焯：翠仪，你平时有无玩下乐器咁架？
仪：都有架，我特别钟意钢琴，好羡慕钢琴弹得好嘅人。而且，我知 道今晚就有钢琴表演添。
焯：我都见到已经有一部钢琴摆喺度喇，掌声请出我哋嘅小小钢琴演 奏家！
18.压轴嘉宾-红日
彬：思晴，话咁快就到咗最后一个节目喇。
晴：喺喔，我记得近几年我哋每年都有神秘嘉宾压轴架喔。 彬：唔通今年嘅压轴嘉宾喺思晴你？ 晴：等我试试先~（唱歌）
彬：好唔错喔，不过我哋嘅压轴嘉宾另有其人，有请压轴嘉宾带嚟嘅 《红日》 19.第三次抽奖
焯：抽奖箱又嚟喇！到咗最后一次嘅抽奖！前面未中奖嘅依家机会嚟 喇！
仪：最后一次抽奖，我哋一步到位！ 彬：直接抽最后六部单车！
焯：依家有请我哋嘅抽奖嘉宾XXX，XXX上台抽奖。
散场
焯：欢乐嘅时光总喺过得特别快。 彬：又喺时候讲Bye Bye。 仪：好唔舍得你哋啊！
晴：我哋五丰村一定会一年好过一年！ 焯：我哋最后送上新年祝福。 合：祝大家大吉大利，身体健康！
焯：五丰村2018春节联欢晚会，圆满结束。晚安。
